قدرات 2

                                                                               السؤال الأول :

كان عبارة عن مقارنه بسيطه بين كميتين لكن الغريب وبشده هو الفترة التي ظللت أتأمل بها السؤال .. حملقت به لفترة اكتشفت انها كانت عبارة عن أربع دقائق كامله .. ثم وبدون استيعاب اتوجه للخيار (ج) واهم في تظليله بلا وعي !!!

اكمل الحل تباعا الأسئلة لم تكن سهلة لكن لا بأس .. يتبقى في النهاية ست أسئلة وسبع دقائق .. شكرت الله جدا ان كان منهم ثلاثه بنواتج حفظتها عن ظهر قلب نتيجة التركيز المكثف على التجميعات

وبعدها اعود للسؤال الأول !!

الحل في اقل من عشرون ثانيه

بطريقه واضحه ومباشره

ويا للعجب النتيجه كانت (ب)

وحتى اللحظه أجهل ما حدث لي خلال الأربع دقائق الاولى

!!

انتهى القسم الأول وبدأنا في الثاني

تخيلت أنني سأنتهي من القسم اللفظي سريعا كما قال الجميع ولكن يا للعجب انتهيت في الثواني الاخيرة أيضا

جميع الأسئلة تطلبت التحليل المكثف للخيارات المطروحه بطريقه مستفزة للغاية .. أضف الى ذلك قطعة استيعاب المقروء كانت سخيفه جدا تناولت خداع عناوين الكتب .. ومن بين الأسئلة اثنين جهلت ما المقصود منهما تماما .. وكانهما كتبا بلغه غير التي اعرفها .. (وحادي بادي كرنب زبادي .....الخ الخ الخ )

الى القسم الثالث .. افاجئ بانه لفظي ايضا ...!!!!

دقيقتان في محاوله لتهدئة النفس واستيعاب فكرة ان منتصف وقت الامتحان وهو الفترة التي قوي بها تركيزي ذهبت كلها للقسم اللفظي (بعيدا عن رهبة البداية وانهاك النهاية ) ..

وايضا .. معاني الكلمات كلها تعاريف .. تقريبا لم يمر علي شيء منها مسبقا وتناظر لفظي أثار جل غيظي

بردعة : حمار !!!

بالنسبه لفتاة سكندرية عاشت سنوات عمرها في المملكه كلمه بردعه كنت اقرئها واسمعها للمره الاولى في تاريخي .. ( ممكن افرقلك بين ذكر الكبوريا وانثاها .. نعزم على اجمد اكله سمك .. نقعدك احلى قعده عالبحر لكن حمار وجاموسه والنظام ده مش لعبتي ما اعرفووووووش)

ما علينا

فلنأتي لأسوء مراحل الحل

استيعاب المقروء الثانيه

(حسبي ربي )

الزلازل

والكثير الكثير من الارقام والحسابات

القطعه احتوت على اثني عشر سؤالا من بينهم أربع أسئلة حسابيه وسؤالين في النحو والصرف وسؤال كان الأكثر دهاء من بين جميع اسئلة الامتحان اجمع

القطعه احتوت على امثلة لزلازل بمعطيات القوة بالريختر ومواقع تلك الزلازل وبعض الاثار التي ترتبت  عليها

ومن ضمن الاسئلة

ما العامل المتسبب باكبر قدر من الاضرار ؟؟

بديها ستختار قوة الزلزال ولكن بكثير من التركز ستختار الموقع تبعا للمعلومات المعطاه

وحتى الثواني الاخيرة ايضا لا ازال اظلل

ثم يأتي القسم الكمي الاخر والحق يقال كان بسيطا

عدد الاسئلة كان اكبر من عدد الدقائق ولكن معظمها اسئلة سريعة الحل

وانتهى الوقت

اغلقوا كتيبات الاسئلة

ارفع رأسي للمره الاولى من ساعتين لاسمع صوت طقطقه مرعبة صدر من رقبتي وكتفي بعد الثبات على وضعية واحده لمده ساعتين متواصلتين

ألم لا يحتمل

وصداع مفاجئ داهم رأسي في تلك اللحظة

وضربات قلبي تعود لتتسارع مره اخرى ولا اعلم لماذا

حينها شعرت أنني لا بأس بي

الأسئلة تمكنت منها

ولكن سرعان ما تملكني الخوف مره أخرى

وجمله لعينه سيطرت على خلايا دماغي

(يعني انت حتبقي احسن من 100 واحده اختبروا قبلك ووقعوا في الامتحان ده .. اسكتي اسكتي )

اخرج لابي لاجد الأسرة كامله في انتاظري داخل السيارة

(ها عملتي ايه ..

حليييييت ..

كويس يعني ؟؟

ما اعرفش

طب تعالي حاكلك بيتزا

لا انا عايزة اروح تعبانه ومصدعه )

تسلل لوالدي شعور بأن وجهي الأصفر وتلك الهالات السوداء تحت عيني نتيجه سوء الامتحان وكانهم نسيا ارهاق الشهرين الماضيين وانهاك الامتحان ذاته

ابقى في سريري لفترة لا اذكرها ولكنني لم انم ابدا

ظلت اسئلة القياس تدور وتدور في راسي

وفي تمام الثالثه فجرا

انهض وافتح يزيد

بحثا عن الاسئلة بأجابتها

ولكنني لم اطمئن ايضا ..

وظل الخوف القاتل يسيطر علي بطريقة بشعه لا توصف

.

.

.

.

دعوت الله كثيرا ان احقق رقما مرتفعا

استنادا الى مجهود  قياسي بذلته

سافرت للمدينه المنورة وهناك  دعوت الله كثيرا بأن يحقق لي مرادي

بعد العوده من اجازة منتصف الفصل الدراسي الثاني

رفعت حالة الطوارئ للمره الثانيه

نحن لا نعلم أي شيء يخص المواد الدراسيه العاديه

ومطالبين باختبارين دوريين في كل ماده

ولكن مقارنه بما سبق .. لاشيء

اصدر قياس اعلانا بموعد اظهار النتائج كان

يوم الثلاثاء .. ولا اذكر التاريخ

ومساء الاثنين كانت النتائج ظهرت

ولا استيعاب هنا

(جبت 98 % يا مااااااااااااماااااااااااا )

وعن ردة فعلي وابواي واصدقائي ساحتفظ بها لنفسي

J J J J J J

نصيحه مجرب بقى :

التوتر ده ضيع ناس كتير جدا كانت باذله مجهود كبير

مش عايزيين توتر خالصول و الفرصه الاولانيه ضاعت فيه تانيه

الكتب ديه بالنسبالي مقلب  كبييييير .. الواحد لو ركز عالتجميعات وذاكرها كويس يبقى تمام جدا

في وقت ما الامتحان شغال

مالكش دعوة باي حاجه حواليك

وما تشغلش دماغك بموضوع انك تقلب الورقه قبل الوقت

لو خلصت قبل ما الوقت يخلص

راجع على اجاباتك وخليك في السليم احسن

اوعى تتلبخ

او تحتاس

السؤال بايخ وحاسس انه حيسرق وقتك انزل عاللي بعده

بدل ما يضيع الوقت ويوترك عالفاضي

اتكل على الله

وقدامك حاجه واحده بس

خيري ربنا حيقدمهولي

ربنا معاكم .. J

وديه كانت بدايتي مع المخدرات

شغالين في الفيس دلوقتي موضوع (ديه كانت بدايتي مع المخدرات) بشوية ذكريات طفوله قديمه عنوانها هبل الطفوله

بالنسبه لبدايتي مع المخدرات

كانت مسلسل حديث الصباح والمساء وساعتها كنت لسه متعلمه الكتابه قريب ..

اولا : انا ما كنتش بلعب بلعب او عرايس .. انا كنت بلعب كل المسلسلات والافلام و الكارتون اللي بتفرج عليه

انا كل شخصيه بتفرج عليها وبتعجبني .. كنت بروح العبها في ابعد اوضه في البيت بالساعات الطويله من غير ما ازهق

الظريف جدا .. ان في حال الاحداث مش عاجباني بغيرها

وفي حال ولا شخصيه عاجباني بصنع الشخصيه الملائكيه كامله الاوصاف واحشرها وسط ابطال الفلم او المسلسل

زي مثلا .. امممممم (عائلة الحج متولي ) لقيت ان ولا شخصيه عاجباني فقررت  اعمل للحاج متولي زوجه خامسه هي الانسب والافضل من كل اللي اتجوزهم .. لا وقررت كمان انه حينفصل عن كل اللي اتجوزهم ويبقى على الزوجه الخامسه ديه (اللي هي انا) احم احم :D

لو نرجع تاني لحديث الصباح والمساء افتكر  ان المسلسل ده  حصل فيه تعاقب اجيال فظيع يعني ممكن جدا الحلقه تبدا بممثلين جداد هما اطفال الحلقه اللي قبلها عادي جدا ..

المشكله اللي واجهتني اني كل اما امسك شخصيه واعيش معاها بقى والعب بعد كل حلقه تموت مني L

بس انا للاسف مش قادره افتكر انا حليت الموضوع ده ازاي ساعتها  ..

وبعد ما زهقت جبت ورقه وقلم وقررت اكتب اسامي كل اللي ماتوا في المسلسل ده  لسبب مجهول !!!

ولما الموضوع وصل للروايات بقينا نفس الكلام بمثل كل الاحداث وانا مختارة اجمل شخصيه في الرواية ديه J

لما الصنف علي شوية دخلت عالبرامج

انا المذيعه والضيفه والمراسله ومداخلات التليفون والمخرجه

والناس اللي بتظهر في التقارير المصورة ..

انا كل حاجه في التوك شو بتاعي

وانا صغيرة اشتغلت كل حاجه في الاوضه البعيده اللي في البيت

اشتغلت دكتورة ومهندسه ديكور ومغنيه ومضيفه طيران وصحفيه ومدرسه وبالرينا وكوافير وداده وطفله شوارع واي حاجه ممكن تخطر في بالك (ياللي بتقرا ) او ما تخطرش

الا اني اكون صيدلانيه (!!!)

لغايه اللحظه اللي بكتب فيها دلوقتي

انا لسه بكلم نفسي سواء بمرايه او من غير

اذا كنت حتكلم مع حد او حشوف حد بعمل بروفا على المقابله

ديه مره واتنين وتلاته وعشرة

وكل مره نفسي سياق الحوار والمقابله يبقى زي ما انا عملت في البيت او في الطريق

بعدين بفرض احتمالات كتير جدا

الشخص اللي قدامي حيقول ايه

بتنرفز وبتضايق جدا في حال كل فروضي طلعت غلط والشخص ده فاجئني بكلام وتصرفات برا توقعاتي وبروفاتي

بس يا سيدي .. وديه كانت بدايتي مع المخدرات !!

زحمه 2012

سنه عجيبة الشكل والمنظر

لا وسبحان الله خلصت وانا لسه كويسه

بدأت ازاي ؟

كنا على أبواب إمتحانات نص السنه وكان عندنا اول ماده كيمياء والسنه لفت  وبدات الجديده واحنا برضه عندنا اول امتحان كيمياء

بس انا ساعتها ما كنتش اعرف ان الكيمياء حتفضل في أرابيزي بقيت عمري

في نفس التوقيت ده تقريبا نزلنا خبر الغاء التحصيلي اللي شال عننا هم كبير جدا

وبدأت الاستعدادات الأخيرة لإختبار القدرات

كرهنا التاريخ .. وكرهنا كتابته كل يوم وعمالين نحسب في الأيام

يــــــــاه كانت أيام ما يعلم بيها الا ربناضغط نفسي ومجهود وحاجه عمري ما حنساها أبدا .. يمكن لأنها الحاجه الوحيده اللي اشتغلت فيها بضمير في حياتي !!!

أقدر أعتبر اول 6 أشهر في 2012 كانوا اكتر 6 شهور متلخبطين في حياتي

كنت بفضل ابص على صحابي وانا بقول لنفسي يا ترى يا مرام حتعرفي تعملي زيهم تاني ولا لاء ؟؟

كنت بحاول بقدر الامكان ان ذاكرتي تستوعب كل التفاصيل اللي تفكرني بيهم ..

آيه خالد و أمنيه قطب : وحشتوني اوي .. وحشتني لمة يوم الأربع والخميس .. وحشتني ايام الاستراحات والجنينه  والفسيخ والشاورما واعياد الميلاد والرقص والاستهبال والسفر ومكه والمدينه ومول طيبه وووووو .. بجد اما بعدت عنكم حسيت اني عجزت .. اني بقيت كبيرة اوي اوي اوي .. حاسه بيكم جدا دلوقتي .. اكتر واحده عارفه ايه اللي انتوا فيه بس ولا يهمكوا حتعدي والله حتعدي وحتدخلوا احسن كليات في الدنيا بجججججد

ربنا معاكو ..

راضية الباشا  : اجمل بنوته صغنطوطه في الكون .. بجد يا رودا ساعات بحس انك ما فكيش حاجه وحشه .. انك بني ادمه انقى من أي حد تاني في الدنيا مش بتزعلي من حد ولا بتزعلي حد منك .. عارفه يا راضيه اما تكبري على قد طيبتك على قد ما حتبقي قوية جدا وعندك قوة  تحمل مش عند حد .. وحشتني يا رودا

نورهان الحضري : نونو .. بينا حاجات كتير اوي يا نور .. يااااااااه بقيتي لما تيجي على بالي افتكر التاج الاهليه واحنا  باليونيفورم البمبي وانت ساعتها كنتي ( .........) ههههههههههههههههههه خلاص خلاص مش حقول وربنا وحشني جدا طريقه كلامك  وطريقه ضحكك وهبلك ونقاشاتك السياسيه  وكله ..  اول ما اشوفك حقولك على سر كبير اوي اوي اوي ابقي فكريني

أسراء أحمد : عارفه يا سيكا .. في الكليه عرفت ناس كتير بيغنوا وصوتهم حلو .. بس ما حدش زيك .. شجن صوتك ده مش عند حد .. احساسك ده مش عند حد .. كل اما حد يغني انتي تيجي على بالي  .. ايسو انتي فنانه بجد .. لما تبقي فنانه كبيرة اوي افتكري كلمتي ديه وقولي موكا قالتلي ..

آلاء بندق : بجد قمة النكد لما  عرفت انك مش نازله ولا حشوفك الاجازة الجاية .. يااااااه انتي وحشتيني اوي .. العض وشد الشعر والضرب والخناق ده  مرتبط عندي بيكي .. مين حيغني سيجنال انا ومين حيعملنا الشاي ... ما شربتش في حياتي شاي زي بتاعك .. نتلم ازاي من غيرك يعني والله حرام  

وسام محمد : قلب كبير اوي يا وسي .. انتي بني ادمه مجتهده .. انا كنت ببصلك واقول لنفسي وسام قنديل منور قدامك يا مرام .. كانك مثل اعلى بجد والله  مش بقول كده وخلاص .. رسامه وفنانه وبتبدعي في (ناديلي ) هههههههههه .. وبرضه حموت من الزعل اني مش حشوفك قريب .. انتي بس تعالي اسكندرية وانا حاكلك جمبري البحر كله ..

أروى نور : اروى اوعك تنسي النوته الصفرا ديه دستور شلتنا عارفه يعني ايه ههههههههههه وحننزل عليها استفتاء وكلنا حنقول نعععععععععم وكله ههههههههههه وحشتييني وانتي بتقوليلي عسل يا ميرو .. وحشتيني وانتي بتتفاعلي مع أي حد وتفضلي مهتمه بكل اللي  حواليكي .. وحشتيني جمله وتفصيل يا ارويتا بجد

شروق ابراهيم : رووكا .. في نحس مش طبيعي تيجي لحد اسكندرية ولحد سبورتنج وبرضه ما اعرفش اشوفك .. فيه فقر اكتر من كده .. اول ما اشوفك حعض خدودك واقرصها  .. عارفه كنتي في فترة من الفترات انتي الوحيده اللي بتشجعني اكمل كتابه في زحمه وديه في حد ذاتها كبيرة عندي اوي يا روكا .. وحشتيني

مروة محمد : ما تعيطيش يا مرام ؟ فاكره لما قولتهالي يا مروة بعد النتيجه علطول .. فاكرة حالة الذهول اللي كنا فيها .. كاننا في حلم وحش .. انا عن نفسي صيدله مشت معايا يا مارو .. عملت معاكي ايه ؟ زعلانه اني مش حعرف اشوفك L

نورهان حسام : ما شفتكيش خلال 2012 كتير خصوصي لما نقلتوا من المدرسه بس على فكرة والله كنتوا بتيجوا على بالي كتير اوي اوي .. انا اصلا زعلت جدا لما نقلتوا وقعدت اقول مش هاين عليهم يصبروا السنه الاخيرة يعني ؟ .. لسه هبله وعبيطه يا نور ولا عقلتي ؟؟؟؟؟

السلام على كل البشر دول بعيدا عن البوس والاحضان والدموع كان كانه ندبه بتوجع .. مش بسلم عليهم على اساس اني حشوفهم بعد شهرين صيف  زي كل سنه .. بسلم  وانا مش عارفه حعرف اشوهم تاني امته .. بسلم وانا مش عارفه حعرف اعمل صحاب زيهم تاني ولا لاء .. بسلم وانا كلمه ما عنديش صحاب غيركم عماله تلف وتدور في راسي .. بسلم وكل واحده فينا قدامها مصير مجهول وما تعرفلوش معالم .. ياه بجد

نزلنا مصر .. والنقله من سيدي بشر لسبورتنج في حد ذاتها قلبت كياني هي كمان .. في ظل ما بابا وماما شايفيين ان هم كده رجعوا لمكانهم الطبيعي .. وفي ظل ما انا كمان كنت فرحانه اننا اخيرا حنعزل .. بس كان فيه حاجه غريبه .. كان البيت هناك بيجي على بالي ويوحشني .. مرتبط عندي بمصر .. بوجودي في مصر على مر كل السنين اللي كنت بنزل فيها ..

دخل علينا رمضان وانا عماله اعد الايام .. وبابا مسافر بعد العيد .. رمضان سريع كالعاده وتاني العيد فرح ميرا .. انا عن نفسي كنت مستنيه الفرح ده بفارغ الصبر بجد .. كنت مبسوطه فيه اوي .. ميرا كانت حلوة اوي وكان يومها جميل اوي لا وايه حصل في الفرح ده انجاز من اهم انجازاتي في 2012 وهو اني مسكت البوووووووووووكيه بتاع العروسه فعلتهاااااااا نيهاهاهاهاهاهاها

هو حيحصل حاجه لو كل شوية عملنا فرح حتى لو من غير عريس وعروسه ؟؟

المهم جه سفر بابا وانا من قبلها بيومين فاتحه حنفيات العياط كلها ومش عارفه اسكت نفسي ازاي .. بابا جنبي يعني انا مش حيحصلي حاجه وحشه ده كان تصوري وده كان تفكيري ساعتها .. مش داخل دماغي ان انا ممكن يعدي عليا يوم ما اشوفش فيه بابا .. يبقى ازاي حقعد شهور من غير ما اشوفه

ازاي يعني ازاي  .. وصلت طيارته الرياض الساعه 3 الصبح تقريبا وانا فضلت صاحيه لحد ما فتح الموبايل عرفت انه وصل واتكلمت معاه .. يخربيت دول كام يوم كانوا تقال بشكل مش طبيعي

بعد سفر بابا بكام يوم جه الوقت الي حنعتمد فيه انا وماما على نفسنا وحنروح نسحب الملفات من مكتب  التنسيق يوم 25 /8 .. كان اول طابور على حق اقفه في حياتي المهم عدت الايام وفتحوا الموقع الساعه 4 الفجر في يوم مشئوم مش فاكره تاريخه ورقم كارت الكشط بتاعي مش راضي يدخل . . نعععععععععم ؟

قضيت ليله تانيه مالهاش ملامح لحد ما طلع الصبح وروحنا تاني مكتب التنسيق وفكرة حقيرة بتسيطر على دماغي ان الكروت بايظه والاموردي ه تصليحها في مصر اصلا بطيء جدا وكده كل سنه وانا طيبه بقى وعليه العوض ومنه العوض ..

بدايات احتكاكي مع الموظفين في مصر ما كانتش كويسه .. الموظفين في مكتب التنسيق بيتكلموا مع الناس بطريقه مستفزة وبيزعقوا وبيحلفوا بايمانات المسلمين كلها ان الكروت شغالة .. يعني كل الناس اللي سحبت من اسكندرية ديه ما بتفهمش مثلا المهم بعد شد وجذب وافلام هندي كتير قالولنا بعد ساعتين الكروت حتتفعل ..

افتكر ماما يومها قررت انها تاخدنا ونتغدى برا بعد صداع وحالة ما يعلم بيها الا ربنا كنت انا فيها الصبح .. وعلى المغرب كده  واحنا مروحين بابا اتصل بينا وقالنا الكارت اشتغل.. روحت وفتحت الموقع ودخلت الدرجات والرغبات وانا اصلا عيني عالرغبه الاولى ومش شايفه انا بكتب ايه بعدها .. ولحد يوم التسليم الموقع واقع و  لسه فيه مشاكل .. واخرتها كان الحل ان بابا يطبعلي الورق من الموقع ويبعتهولي بالفكاس من السعوديه .. !!!

اليوم ده روحنا انا وماما من 6 الصبح وقفنا قدام الشباك .. منتظرين معادهم الساعه 8.. طبعا ما فتحوش 8 .. فتحو 9 وربع .. :3

كل ده وانا قلبي بيدق خايفه يقولوا فيه حاجه غلط في البيانات ولا الباسبور ولا اثبات الاقامه هناك ولا في الوراق المطلوبه ولا ولا ولا ..

بس الحمد لله عدت على خير واخيرا سلمت الملف ودرونا خلص على كده وتنفسنا الصعداء بجد يعني .. وروحنا فطرنا في ديليس .. فاكرة يا ماما؟؟

المهما يام تيجي وايام تروح والنتيجه مش راضيه تطلع وماما ودينا وزياد خلاص قربوا يسافروا  L ده بعيدا عن لعب الاعصاب يقولوا النتيجه حتطلع يوم الحد ويوم الحد يجي ويخلص وما فيش نتيجه  .. طب النتيجه يوم التلات وهكذا ..

جه يوم 18 /9 عيد ميلاد زيزو .. وبكرا السفر .. والنكد بدا من اول وجديد اخف شوية من وقت سفر بابا عشان كان بالي مشغول بالنتيجه ..

وسافروا هما كمان ..

اقدر اقول الايام الاولانيه عدت بفضل عماتي وخالتو .. كل يوم يا اما حد عندي يا اما خارجه معاهم  وسافرت المحله حضرنا فرح هناك وعيشه يعني ..

الدراسه بدات في الجامعات استثناء جامعه اسكندرية اتاخرت اسبوع ولسه ما فيش نتايج .. لحد ما قرروا شهادات المعادله يعملوا اعتصام عن وزارة التعليم العالي وكانت ايام برضه مالهاش ملامح .. وفييييين بعد اسبوع ونص لما طلعوا النتايج .. وياريتهم ما طلعوها ..

مش عايزة افتكر الايام ديه بجد .. الحمد لله J

بيقولك اللي مش بيخش طب بيزعل اوي .. بس اللي بيخشها بيزعل اكتر ..

ما علينا روحت الكليه اول يوم كان التلات .. اخدت الجدول بنفس حالة الذهول اللي انا فيها .. وروحت تاني وقولت رايحه يوم الخميس بقى ..

قبلها قدرت اوصل لجروب صيدله عالفيس واتكلمت مع الناس هناك .. ياسمين ناصر وسارة وهند .. رحبوا بيا جدا وانا ساعتها انشكحت اوي

وتاني يوم روحت الكليه ...

نقطه مهمه جدا هنا هي الناس اللي عرفتها في الكليه

من زمايل بعدين بقوا صحاب بعدين بقوا اخوات .. J

ياسمين ناصر :ما ينفعش ابدا بحد  غيرك لانك اول حد شوفته في الكليه ديه ومع اني مش بشوفك كتير واحتكاكي بيكي قليل اوي الا انك بجد اديتيني احساس الاطمئنان الاولاني اللي كنت محتاجاه جدا .. بملامحك المريحه ونفسك الهادي وصلتيلي الشعور بان المكانمش  سيء للدرجه وان الكليه جميله وكده بقى

ميرسي يا ياسمين

مروة شوقي : اول مرة شوفت مروة كان في سكشن الكيمياء .. فاكرة ان اليوم ده ما اشتغلناش وخلصنا بدري وخرجنا .. يومها مروة قالتلي انتي اجتماعيه اوي .. دلوقتي مش عارفه بقى مين فينا الاجتماعي  .. مروة في الاول كانت خجوله اوي ومش بتاخد على الناس بسرعه .. بس خلاص بقى ..

مروة انا بحبك .. انتي خليتي الفترة الاولانيه ديه تعدي فعلا من غير كوارث نفسيه .. بحبك وانتي عاقله و وانتي طفله و وانتي دكتورة كده .. ربنا يخليكي ليا

نجوى ابراهيم : الضحكة لما بتتكلم .. كانها قلب بينبض ماشي جبنك  .. نجوى عندها قدرة كبيرة على الاحتواء .. كانها بتحضنك كده .. نقطه الاهتمام ديه  مش حد عند زي نجوى .. مش عارفه اتخيل الكليه من غيرها ولا شكلنا كان حيبقى عامل ازاي وهي مش قاعده في النص كده ..

سارة عبد الراضي : سارة من يوم ما عرفتها وانا بحس ان الدنا وردي كده وما فيش مشاكل ولا حاجه .. الوان وجنان

ساة تتحب زي ما هي كده .. بسيطه بكلكعه .. عاقله بشقاوة ..

انا بحبك يا سارة ..

هند الجويني : هند بقى .. حاجه تانيه خالص .. كانها جاية من كوكو تاني ..  من اكتر الناس اللي انا فرحت لما عرفتهم بجد .. ما تقدرش تقاوم كلامها وما ينفعش ما تندمجش معاها بمجرد ما تفتح بقها وتبدا تتكلم وتضحك .. فرحانه ومطمنه طول ما انا حاسه ان هي جنبي وقريبه مني .. وان في أي وقت حاحتاجها حتكون معايا

هند .. خليكي زي ما انتي كده اوعي تتغيري ابدا

سلام : يمكن لما شوفت سلام اول مره ما توقعتش ان حاحبها للدرجه ديه ز. كانت زي ما تكون خايفه او هايبه المكان الجديد برضه ..

عارفه يا سلام .. لما بحكي لحد عن صوتك بقولهم واحده صاحبتي لما بتغني كأن بيعزف معاها كمنجه وبيانو .. انتي نقيه اوي يا سلوم .. بجد والله

خلوووود صالح : طب ايه بقى .. خلود عبارة عن حاجه كده بتقعد تنكشك وتفوقك لما تسرح في حاجات مالهاش لازمه .. ملت كل الفراغات اللي كانت ناقصه عندي .. بحس معاها اني طفله ما عندهاش أي مشاكل .. عارفه لما بنضحك لحد ما قلبي يوجعني ولما نقعد نتكلم عالموبايل لحد ما ايدي توجعني من مسكه التليفون .. ببقى مش هاممني غير اني لقيتلي انتيمه في مصر .. زي ما ليا انتيمه في كل مكان ..

يا انتمتشيييي

مصطفى العسكري ومحمد هشام : ما ينفعش اكتبهم بعيد عن بعض لان تقريبا الاتنين عندهم نفس الشخصية وبيشتركوا ف حاجه مهمه جدا .. هي ان ناقصلهم جناحات ملاكيه ونور ابيض حواليهم ويطيروا للمكان اللي هم بينتموا ليه بجد .. قاسم تاني خاص بيا هو انهم هم الاتنين برضه معتبريني جزء من اسرهم

يعني محمد هشام بيعاملني على اني بنته الصغيرة والعسكري بيعاملني على اني بنت اخته (جايب بنت اختي معايا) مع انه ما عندوش اخت!!! :p

هو طبعا في فروق وكتير بس حاسه ما كنتش اقدر اتكلم عن كل واحد لوحده ..

هاشم الحجه : برضه فيه كتير اوي من نجوى .. في جزئية الاهتمام ديه .. اخد بالهم ن كل حد مين متضايق ومين زعلان ومين مش موجود انهارده .. قدره غريبه عن نفسي مش عندي .. هاشم يحسسك انك رجعت 10 سنين وبتتفرج على الكارتون عادي جدا وعندك بكرا الصبح مدرسه .. صيدلي طفل J

مصطفى جمال : من غير كتر كلام هو كومنت واحد  .. هو احنا لو حطينا مصطفى جمال مكان باسم يوسف حيجرى حاجه؟؟؟؟؟؟؟؟؟؟؟؟

 والنبي ما حيجرى حاجه ..

ده بعيدا عن التقلبات المزاجيه والاراء المتسرعه .. عنده حس عالي اوي بالمحيط و  حيثياته واصله لبعيييييييييييييد ..

الغريب جدا ان كل ما بشوفه بحس انه بيفكرني بحد .. بس مش عارفه مين دماغي بتقف عند نقطه معينه وما اقدرش افتكر .. !!!

محمد عرفه : عندكم راس سنه عادي في دمنهور يا عرفه ؟؟ ههههههههههههههه بني ادم مالوش حل  عنده لغه غريبه كده في تكوين الكلمات وتوصيل المعنى في  حد ذاته .. ماينفعش يكون بني ادم تاني .. لما بتطلب معاه هبل وقلش وفول من عند عم عمرو بعدين يقفل اليوم باغنيه جميله .. ياااااااه عالجنان

مصطفى السبكي : (كل اما اكتب كلام امسحه وبعدين طيب ؟!)

مش عارفه اكتب اقول ايه .. بس من الاخر انت بني ادم كويس اوي يا سبكي ... يمكن لسه ما اقدرش احكم على حد فعلا  في فترة قصيرة زي ديه بس الفكرة الاولى عندي كويسه وديه كفاية اها ساعات بتقفل وبتعك .. بس تفضل في الاخر متزن وماشي على خطوط عريضه مش بتحيد عنها .. انا مبسوطه اني عرفتك بجد :)

مريم حبشي ومريم روماني ومينا عاطف : كل سنه وانتوا طيبيييييين و كل عيد يكون احلى من اللي قبله يارب

اسماء واسماء والاء ودعاء ودينا وهبه  ومي جابر ومي السبعاوي وسلمى وساندرا وسهيله وهدير شومان وهدير احمد ونور ومروان ومحمد السيد واهلاوي ومصطفى سعد وحجازي والشاذلي واسامي كتير جدا جدا جدا .. فخورة اني عرفتكم وسعيده بده جدا جدا جدا

مقطفات سريعه في 2012 :

روحنا رحله القاهره .. كنت محتاجها الصراحه وجت في وقتها بجد

عيد ميلادي بمشاركه ناس جديده لاول مره

اول شتا اقضيه في اسكندرية واول مره ابعد عن بابا وماما ودينا وزياد

اصعب يوم في حياتي : يوم امتحان القدرات

اجمل يوم في حياتي : يوم نتيجه القدرات 98 %

قريت في 2012 :

نهايةالعالم ,

اطول يوم في تاريخ مصر , 

الملح ,
الشيطان يعظ,

النساء من الزهرة والرجال  من المريخ ,

 28 حرف ,

 اولاد حارتنا ,

 1/4 جرام ,

 شيكاجو ,

نيران صديقه ,

شاب كشك

وفي الاخر 2012 كلها على بعضها عبارة عن نقطة تحويل هي الاكبر في حياتي لحد الان .. كل حاجه جديده ومختلفه

اينعم سنه صعبه وكلها صدمات بالواقع  .. لكن عدت وده المهم

 2012 مري بسلام وسيبي ذكرى خفيفه جميله افتكرك بيها

واقول كانت سنه صعبه بس جميله

من الاخر .. كنتي سنه زحمه اوي

وفيكي انا فتحت البلوج ديه وسميتها زحمه ودلوقتي عرفت ليه سميتها زحمه

زحمه 2012

مع السلامه J

المهندس احمد رزق !!

1. 
   
   
   
   
   
   
   
   
   واضح فيه مشكله في الشبكه من ساعه ما جبت الخط بتاعي
   في رقم متداخل مع رقمي
   بحيث ساعات كتير جدا ناس يكلموني
   على اساس ان انا المهندس احمد رزق
   وساعات تانيه ناس تكلمني فيرد عليها المهندس احمد رزق
   المهم الموضوع مش سخيف لان معظم الناس اللي بتكلمني وبرد عليها
   بيبقوا عايزنه في شغل وبيعتذروا على الازعاج وانتهينا
   المشكله بقى من عشر دقايق كده
   واحده اتصلت بيا ..
   لسه بقول الووو
   لقيتها بتقوووووووول :
   (احمد اوعى تنطق ولا كلمه لحد اما اخلص كلامي .. اولا ما تزعلش مني بقى انا خلاص حروح البيت والله .. بكرا ترجع من الشغل تلاقيني في البيت ده انت حتى وحشت ريم اوووووووي . . كنت فاهمه غلط والله  .. انا عارفه اني غلطانه وانت قلبك ابيض زيي كل مره صحححح  ..حعملك العجه اللي انت بتحبها كمان .. يلا انا حقفل.. سلام )
   !!!!!!!!!!!!!!!!!!!!!!!!!!!!!!!!!!
   
   
   واني اعرف اوقفها ولا اقولها النمرة غلط
   مش انا
   اصبري استني
   ابدااااااااا
   قالت الكلمتين وقفلت
   
   
   كده المهندس احمد رزق بكرا حيتفاجئ بيها في البيت من غير أي سابق انذار
   يلا وانا مالي

عزيزي زوج المستقبل

اينعم لسه بدري عليك اوي

بس انا حقولك عشان تبقى عارف يا اخويا

وما تقولش اننا ضحكنا عليك ولا حاجه

مبدئيا انت حتتجوز اوزعه من الدرجه الاولى

يعني جمله من فضلك تعالى ناولني كذا .. ولا انا مش طايله كذا ديه حتسمعها كتير

وحضرتك لازم تقوم من سكات تجيبلي الحاجه اللي انا مش طايلاها ..

ثانيا وده الاهم .. اوعى يكون همك على بطنك .. انت حتتجوز فاشلة برضه من الدرجه الاولى في المطبخ .. ما بعرفش اعمل حاجه وما عنديش اسعداد اتعلم انا بقولك اهو .. يعني يوم ماك ويوم بيتزا ويوم شاورما والباقي نمشي حالنا باندومي وناجتس وبطاطس فريتس .. وممكن نعتمد على ماما وطنط .. احنا ولادهم برضه

ثالثا لازم تبقى عارف كويس اوي ان انا طفله وعيله وانك لازم تعتبرني بنتك قبل أي حاجه وتوقع دايما مني أي تصرفات طفوليه شقيه وتقبلها بصدر رحب واوعك تتنرفز ولا تتضايق

رابعا .. نظام المسح والكنس والغسيل والتنشير والمكوة والفلم ده مش انا هاااااااااا .. بمعنى ان اللي عايز حاجه يعملها لنفسه وحنمشي بمبدا  ( help yourself  ) انا بقول اهوو

خامسا .. عيد ميلادي وعيد جوازنا وعيد الحب و6 اكتوبر وشم النسيم ديه ايام مقدسه اوعى تنساها .. اهم حاجه تكون فاكر وانا حعمل نفسي مش واخده بالي وانك فاجئتني  =D

سادسا.. قبل ما تيجي تتقدملي اعرف انك حتخوض حرب عنيفه جدا .. انت جاي تتقدم لبكريه وحبيبه ابوها ولبة عقله .. ومش حتكسب بالساهل ابدا .. اقنع بابا بقى يا فالح لو تقدر انك مناسب لبنته حبيبته

سابعا .. عايزاك تتطمن خالص من ناحيه التلفزيون انا حسيبك تتفرج على كل الماتشات والاخباار من غير ما اضايقك .. انا حقعد على الفيس ساعتها ... ماشي ؟

ثامنا .. لما اعوز اشتري شوز لازم يبقى بالك طويل لاننا حنتعب اوي على ما نلاقي مقاسي .. اصل (35_36 ) ده مقاس مش متوفر اوي .. L

تاسعا .. مش بحب قعدة البيت انا .. لازم نخرج كل شوية ونغير جو ونفك مود الكابة .. وعلى فكرة تمشيه عالبحر وشم الهوا كفاية اوي بالنسبالي

عاشرا .. صحابك ؟؟ عمري ما حقولك مش بحبهم ولا بستتقل دمهم ولا ما تسهرش معاهم ... هو البني ادم ايه غير كائن حواليه شله بيحبهم ويحبوه .. الكلام ده على صاحباتي انا كمان على فكرة  ..

حداشر .. اذا في يوم اتهورت وقررت ادخل المطبخ ابقى تعالى ساعدني .. وكل وانت ساكت ولا تقولي الرز محصول ولا المكرونه معجنه ولا مالح ولا عادب ولا ولا ولا ولا .. احمد ربنا وابتسم ابتسامه صفرا وقولي تسلم ايدك .. (بعدين روح اعمل غسيل معده عادي يعني )

اتناشر .. اوعى في يوم تقولي مش رايح الشغل اصلي عيان ولا تعبان ولا ولا ولا .. لالالالالالالالالا انت متجوز صيدلانيه قد الدنيا وحقفشك يعني حقفشك يا كذاااب

تلتاشر .. اعرف كويس اوي اني بني ادمه مغرورة جدا ..  مغرورة بممتلكاتي .. واعرف كويس جدا اني بعد كده حتغر بيك لانك حتبقى من ممتلكاتي . J

اربعتاشر .. عارف انت اليوم اللي حتقول فيه كلمه تزعلني ولا حتبصلي فيه بصه وحشه .. انا عمري ما حقدر انساه .. حاول ما تخلنيش افضل فاكرالك حاجات وحشه كتير ..

خمستاشر .. بيتنا حيبقى مكان مكنون .. وبينا حيبقى فيه سر .. عايزاك تتاكد اني عمري ما حطلعه برا ..

ستاشر .. انا مجنونه اها .. ومش نكديه ولا قفيله ولا أي كلام فاضي من ده .. بس يوم ما نحتاج نبقى جديين .. حتلاقيني اعقل واحده في الدنيا ديه

سبعتاشر .. انا بحب السوبيا والموكا والباميا والبوري السنجاري والمسقعه والافلام الاجنبي ومحمد منير وفيروز  واللون الازرق والاخضر .. انت بتحبهم زيي ؟

تمنتاشر .. اوعى تكون عينك زايغه ولا تبص يمين ولا تبص شمال .. كده كده مش حتلاقي احلى مني يا ابني انت بتتكلم في ايه

تسعتاشر .. بعدين بعدين

عشرين .. انت اخترتني انا .. وديه تخليني اعمل كل حاجه تخليك اسعد بني ادم في الدنيا .. والناس حتقولك انك عرفت تختار وحيسدوك عليا كمان .. يلا يا سيدي ابسط

عزيزي زوج المستقبل .. انا حاسه ان طنط دعت عليك الصراحه

ياريت ما تجيش احسن

كل سنه وانا طيبه

يااااااااااااااه

18 سنه 

شكر خاص جدا لعبير السيد اللي حرصت تكون اول واحده تكلمني واكدت الساعه 12 بالضضضضضضضبط

شكر خاص  لخلود و نجوى وسلام ومروة ومي وريم وساره

شكر خاص جدا جدا لمصطفى جمال ومحمد هشام

لمحمد الشاذلي والسبكي وهاشم وحجازي

وشكر خاص اوي اوي لميرا ونورهان وطنط توته ومياده ومينا

صوتكم كان كفايه اوي اسمعه

وشكر جامد جدا

لطنط بسمه وطنط ايناس وطنط مايسه وعمو محمد وعلي ومنال ومريم ومريم كانت سهرة حلوة اووووي

وشكر اخير لكل اللي بعتولي رسايل وكتوبلي على الفيس

وانتوا طيبيين كلكم يارب

ماما وبابا ودينا وزياد .. اليوم كان ناقصكم جدا

سيكا عيد ميلاد من غير ما تغنيلي ينفع كدددده ؟؟؟

شروق والاء واروى ووسام ... وحشتوني اوي اوي

امنيه وايه وراضيه عيد ميلاد بايخ وانتوا مش فييييييه

ميرسي للكل

وبحكم اووووووووي

واسيبكم مع الصور

وبسس

قـــــــــدرات ..!!

 

الخميس 22/4/1433هـ

استيقظ في تمام السابعة صباحا .. بدون أي محاولات خارجية لإيقاظي

يداي تتجه نحو قلبي .. أتفقد ذلك العضو المسكين .. لماذا أنت خائف يا عزيزي؟؟

أطرافي بارده .. أتنفس بصورة ملحوظة بشده ..

أتجول بعيني فيم هو غير مرئي ..

مستقبلي المجهول .. اليوم سأحاول إيضاح ملامحك

فلنعد قليلا للوراء .. متى ذكر اسم قدرات لاول مره على مسامعي ؟؟

كنت في السنه الأخيرة للمرحلة الإعدادية .. وكل من حولي مستاء .. فرض امتحان القياس على الطلبة المصريين وقضي الأمر ..

اختبار القدرات العامة أو القياس .. كان الكابوس الأكبر الذي مر علي وعلى كل قرنائي ومثلائي سننا ..

الفكرة تمثلت في اختبار غير ممنهج يعتمد على الطريقة الأمريكية لاختيار من متعدد مفروض على طلاب عرب ذوي خلايا دماغية تحتضر عقماَ نتاج نظم تعليميه معتمجه على الحشو والحشو فقط

الأمر أسوأ مما يوصف .. أصعب بأن يمر دون ترك ندبة عميقة ..

مكون من جزأين ..

قسم كمي يعتمد على كل ما يتعلق بالرياضيات والأرقام  ما مر منها علينا ومالم يمر ..

أين عقلك يا خوارزمي ؟؟ (ممكن تسلفهولي لفه ) !!!

وقسم لفظي يعتمد على العربية الفصحى ما كان مفهوما منها وما وعر وتعمق واستفحل ..

عزيزي أبو الأسود الدؤلي .. كيف أجمع علمك في فترة قياسية ؟؟؟

نعم علي جمع أكبر كم من المعلومات يتعلق بـــــكل من :

الهندسة الفراغية

حساب المثلثات

المقارنات ما صح منها وما لم يصح

تحيل الرسوم البيانية

حساب الفروق والمضاعفات بين عمر أحمد وابنه فيصل..!!

تكوين معادلات لحل كل مسألة غريبة (الشكل والمنظر )

بعض الحسابات البنكية

مقدار الزاوية بين عقربي الساعة (الحل بقانون مستنتج)

عدد المربعات والمثلثات والمستطيلات والمتكعبرات والمتفشكلات في الشكل (ايضا قوانين مستنتجه)

متــــــــتابعـــــــــــات

معادلات الجذور والأسس واللوغاريتمات (مع لفت الانتباه لمنع استخدام الاله الحاسبة )

بالاضافه إلى :

معاني كلمات اللغة الفصحى المتعمقة ..

تناظرات لفظية لا داعي للتعليق عليها ..

اكمال جمل ناقصة ..

واخيرا استعياب مقروء لمقالات متنوعة المجالات ..

الأمر ليس بسهولة قراءة الكلمات السابقة .. فقياس العام معتمد على تقسيم الاختبار لعدة اجزاء لكل منها عدد دقائق محدده للحل بمتوسط دقيقه لكل سؤال .. !!

سوء الأمر تتمثل في تجارب من هم أدوا الاختبار .. لا أحد ينجازو حاجز ال 90% لزميلات كانوا غاية في الاجتهاد والتفوق على مدار حياتهم .. ياه للتعجيز ..

أبدأ برفقة نورهان رحله الكفاح منذ كنا في الصف الثاني الثانوي بناء على طلب والدها مشكورا ..

الأمر بدا شديد التعقيد في بدايته .. ولن استطيع أبدا إحصاء كم علامات الاستفهام التي رسمت على وجوهنا بعد قراءة كل سؤال ..!!!

خصوصا بعد ما صعقنا بالحقيقة المره..

(علينا قراءة السؤال .. وفهمه جيدا .. ومعرفه ما هو مطلوب .. ثم استنتاج طريقة الحل .. والشروع في استخدامها ... والخروج بناتج موجود في الاختيارات الاربعة  .. في مده لا تتجاوز الستون ثانيه! )

وضعنا الآلات الحاسبة جانبا .. وبدأنا بما سماه والدي فيم بعد (لعب عيال )

واننا لم نفعل شيء سوى الالمام بكل ما وضع امامنا دون اتقانه وانتهت تلك السنه بدون تطبيق فعلي عملي لذلك المجهود الذي ظن أبي العزيز أني ورفيقتي لم نبذله أصلا .. (اومال كنا بنعمل ايه كل يوم خميس بس يا بابا ؟؟)

ثم شرعنا في العام الجديد .. بنفوس قلقة قليلا تجاه ذلك الامتحان ولكن لازال الوقت مبكرا .. منتصف الفصل الدراسي الثاني ..

ومر الفصل الدراسي الأول بمحاولة للقضاء على الكتب التي لم يعد لها حصر وعدد

فنتكلم عن الكتب قليلا .. في بداية الأمر ظهر كتاب باللون الأخضر أصدره مركز قياس لتوضيح ماهية الاختبار لا أكثر وبالطبع لن يقدم ولن يؤخر قدما..

وكتاب مشهور يحمل اسم (رام ) بعدد من الأجزاء .. يناقش الاختبار بقسميه .. الكمي واللفظي

ثم لا اعلم ماذا حدث بعد ذلك .. الكل أصبح مؤلف وقادر على طرح القدرات من وجة نظره القياسية ..

كتب .. كتب ..كتب

(بقينا نمشي نتكعبل في كتب )

الكل يخترع اسئله يجتاج بعضها لربع ساعة من الحل المطول أو لجزء من الثانية في حال كان الطالب عبقريا تتجاوز نسبة ذكائة الـ150درجة

كما ان تلك الكتب امتلئت بالمقالات التي كان علي في الغالب استخراج المعلومات منها وانتقاء عنوان مناسب لها .. الاغرب ان العنوان الصحيح دوما كان الاجابة الوحيده اللامنطقية على الأقل بالنسبة لي ..!!

فضلا عن كم كلمات اللغة التي لا تعد ولا تحصى ..

وينتهي الفصل الدراسي الأول أيضا .. وكأننا اصطدمنا بالواقع .. تبقى على الاختبار ست اسابيع لا أكثر .. بعد محاولات مطوله مع اداره المدرسة تمكنا من اخذ الموافقة على تاجيل امتحانات الشهر الاول ريثما ننتهي من الكابوس الأكبر .. المنهاج الدراسية منتظمة دون متابعة ودون مذاكرة .. رفعت حالة الطوارئ القصوى لدى جميع اصدقائي وزملائي .. صدر تاريخين لاختيار يوم الاختبار .. فإما في الخميس السابعة صباحا او الخميس الذي يليه في الخامسه عصرا .. وبدون مناقشة اختار والدي الخيار الثاني ظننا منه أن (الساعة بتفرق) وان (كده حنام طول الليل ومش حكون قلقانه)

في حين اخترن زميلاتي في المدرسة الموعد الأول على أساس (خلينا نخلص بقى )ثم تتراجع أروى وتعدل لتكون معي ..

كيف مر الشهر ونصف لا أعلم .. حقا لا أعلم ولكنهم كانوا الأسوأ بكل الأحوال ..

أعود ظهرا من مدرستي ظهرا لانكب على قراءة المقالات وحل الأسئلة حتى الرابعة .. ثم انتقل مباشرة لمذاكرة القسم الكمي حتى الليل ..

حتى جاء خميس أصدقائي .. انتظرهم حتى الحادية عشر لاهاتفهم ..

(هاه عملتوا ايه ) (كويس الحمد لله كان مش وحش )

اطمئن ..

اقضي أسبوعا إضافيا من العمل المرهق .. انا وأروى وعلمت فيم بعد ان شروق ونورهان ومروة في صحبتنا ..

نعود لتلك اللحظة التي استيقظت فيها في تمام السابعة صباحا ..

اليوم يمر ثقيلا بطريقة لا توصف .. لا أذكر ما كان الغداء يومها .. مؤكد كان بلا طعم او رائحة ..

في تمام الرابعة تتطوع أمي لصناعة كوب قهوة لي فيم يتكلم

والدي عن أهمية الهدوء والتركيز طوال ساعتي الاختبار ..

اتذوق القهوة ..(ماما ديه من غير سكر ) (بجد ؟ طب معلش حعملك غيرها)

تصنع الثانية .. وياليتني لم أعترض على الأولى .. يبدو ان امي صنعت القهوة التركية بطريقة صنع النسيكافية الأمريكي ..

أمي ؟؟ كانت متوترة كما كنت أنا إن لم يكن أكثر

أرتدي ثيابي ثم انطلق ..

هل علي وصف لحظات الطريق إلى المدرسة الإعدادية المقام بها الاختبار ؟؟

أين الأكسجين ..؟ لا أعلم

أـيقن باصفرار وجهي و تحول شفتاي للون الأبيض

ضربات قلبي تتسارع بطريقة لم أعهدها سابقا ..

أصل إلى المدرسة .. قليلا وتصل أروى

ثم وجدت شروق ونورة ومروة .

.

دقائق وندخل إلى قاعة الاختبار..

تمر أمامي الكثير من التفاصيل..

.

.

.

.

.

(بابا هو كل الورق اللي انت بتطبعه ده .. عارف احنا كده قطعنا كام شجرة كده انا حعمل لوحدي كارثه بيئيه)

.

.

.

.

.

(ماما خلاص مش شايفة..  عيني وجعتني جدا  حتعمي .. يخرب بيت القطع عاللي عايزين يقروها )

.

.

.

.

.

(نورهان حليتي الورق ده .. وسام ذاكرتي الكلمات دول .. سيكا ما تاخدي تسمعيلي الصف ده .. بناااااااات هو يعني ايه وكيرة ديه ؟! .. حد معاه كاتب الامين اصورة مش لاقياه .. ايه ده يا اروى جبتي المسائل ديه منين .. الاء بطلي الكلمات اللي بتقوليها ديه ..........)

.

.

.

.

.

يلا يا بنات .. مجموعه واحد من هنا مجموعه اتنين من هنا .............

وعلى ضربات قلبي ... سهير ذكي ترقص شرقا .. ومايكل جاكسون يرقص غربا ..

اتوجه في قمة تثاقلي باتجاه السيده الماثله امامي .. تتحقق من هويتي ثم تدخلني .. اجلس في الصف الاول ملاصقه للجدار

دقائق تمر ويرفع اذان المغرب.. نصعد للطابق العلوي .. نصلي ثم نعود اماكننا..

وزعت دفاتر الأسئلة واوراق الاجابة والاقلام الخاصة بقياس

وبدأنا

السؤال الأول ....

(يتبع )