المهندس احمد رزق !!

1. 
   
   
   
   
   
   
   
   
   واضح فيه مشكله في الشبكه من ساعه ما جبت الخط بتاعي
   في رقم متداخل مع رقمي
   بحيث ساعات كتير جدا ناس يكلموني
   على اساس ان انا المهندس احمد رزق
   وساعات تانيه ناس تكلمني فيرد عليها المهندس احمد رزق
   المهم الموضوع مش سخيف لان معظم الناس اللي بتكلمني وبرد عليها
   بيبقوا عايزنه في شغل وبيعتذروا على الازعاج وانتهينا
   المشكله بقى من عشر دقايق كده
   واحده اتصلت بيا ..
   لسه بقول الووو
   لقيتها بتقوووووووول :
   (احمد اوعى تنطق ولا كلمه لحد اما اخلص كلامي .. اولا ما تزعلش مني بقى انا خلاص حروح البيت والله .. بكرا ترجع من الشغل تلاقيني في البيت ده انت حتى وحشت ريم اوووووووي . . كنت فاهمه غلط والله  .. انا عارفه اني غلطانه وانت قلبك ابيض زيي كل مره صحححح  ..حعملك العجه اللي انت بتحبها كمان .. يلا انا حقفل.. سلام )
   !!!!!!!!!!!!!!!!!!!!!!!!!!!!!!!!!!
   
   
   واني اعرف اوقفها ولا اقولها النمرة غلط
   مش انا
   اصبري استني
   ابدااااااااا
   قالت الكلمتين وقفلت
   
   
   كده المهندس احمد رزق بكرا حيتفاجئ بيها في البيت من غير أي سابق انذار
   يلا وانا مالي

عزيزي زوج المستقبل

اينعم لسه بدري عليك اوي

بس انا حقولك عشان تبقى عارف يا اخويا

وما تقولش اننا ضحكنا عليك ولا حاجه

مبدئيا انت حتتجوز اوزعه من الدرجه الاولى

يعني جمله من فضلك تعالى ناولني كذا .. ولا انا مش طايله كذا ديه حتسمعها كتير

وحضرتك لازم تقوم من سكات تجيبلي الحاجه اللي انا مش طايلاها ..

ثانيا وده الاهم .. اوعى يكون همك على بطنك .. انت حتتجوز فاشلة برضه من الدرجه الاولى في المطبخ .. ما بعرفش اعمل حاجه وما عنديش اسعداد اتعلم انا بقولك اهو .. يعني يوم ماك ويوم بيتزا ويوم شاورما والباقي نمشي حالنا باندومي وناجتس وبطاطس فريتس .. وممكن نعتمد على ماما وطنط .. احنا ولادهم برضه

ثالثا لازم تبقى عارف كويس اوي ان انا طفله وعيله وانك لازم تعتبرني بنتك قبل أي حاجه وتوقع دايما مني أي تصرفات طفوليه شقيه وتقبلها بصدر رحب واوعك تتنرفز ولا تتضايق

رابعا .. نظام المسح والكنس والغسيل والتنشير والمكوة والفلم ده مش انا هاااااااااا .. بمعنى ان اللي عايز حاجه يعملها لنفسه وحنمشي بمبدا  ( help yourself  ) انا بقول اهوو

خامسا .. عيد ميلادي وعيد جوازنا وعيد الحب و6 اكتوبر وشم النسيم ديه ايام مقدسه اوعى تنساها .. اهم حاجه تكون فاكر وانا حعمل نفسي مش واخده بالي وانك فاجئتني  =D

سادسا.. قبل ما تيجي تتقدملي اعرف انك حتخوض حرب عنيفه جدا .. انت جاي تتقدم لبكريه وحبيبه ابوها ولبة عقله .. ومش حتكسب بالساهل ابدا .. اقنع بابا بقى يا فالح لو تقدر انك مناسب لبنته حبيبته

سابعا .. عايزاك تتطمن خالص من ناحيه التلفزيون انا حسيبك تتفرج على كل الماتشات والاخباار من غير ما اضايقك .. انا حقعد على الفيس ساعتها ... ماشي ؟

ثامنا .. لما اعوز اشتري شوز لازم يبقى بالك طويل لاننا حنتعب اوي على ما نلاقي مقاسي .. اصل (35_36 ) ده مقاس مش متوفر اوي .. L

تاسعا .. مش بحب قعدة البيت انا .. لازم نخرج كل شوية ونغير جو ونفك مود الكابة .. وعلى فكرة تمشيه عالبحر وشم الهوا كفاية اوي بالنسبالي

عاشرا .. صحابك ؟؟ عمري ما حقولك مش بحبهم ولا بستتقل دمهم ولا ما تسهرش معاهم ... هو البني ادم ايه غير كائن حواليه شله بيحبهم ويحبوه .. الكلام ده على صاحباتي انا كمان على فكرة  ..

حداشر .. اذا في يوم اتهورت وقررت ادخل المطبخ ابقى تعالى ساعدني .. وكل وانت ساكت ولا تقولي الرز محصول ولا المكرونه معجنه ولا مالح ولا عادب ولا ولا ولا ولا .. احمد ربنا وابتسم ابتسامه صفرا وقولي تسلم ايدك .. (بعدين روح اعمل غسيل معده عادي يعني )

اتناشر .. اوعى في يوم تقولي مش رايح الشغل اصلي عيان ولا تعبان ولا ولا ولا .. لالالالالالالالالا انت متجوز صيدلانيه قد الدنيا وحقفشك يعني حقفشك يا كذاااب

تلتاشر .. اعرف كويس اوي اني بني ادمه مغرورة جدا ..  مغرورة بممتلكاتي .. واعرف كويس جدا اني بعد كده حتغر بيك لانك حتبقى من ممتلكاتي . J

اربعتاشر .. عارف انت اليوم اللي حتقول فيه كلمه تزعلني ولا حتبصلي فيه بصه وحشه .. انا عمري ما حقدر انساه .. حاول ما تخلنيش افضل فاكرالك حاجات وحشه كتير ..

خمستاشر .. بيتنا حيبقى مكان مكنون .. وبينا حيبقى فيه سر .. عايزاك تتاكد اني عمري ما حطلعه برا ..

ستاشر .. انا مجنونه اها .. ومش نكديه ولا قفيله ولا أي كلام فاضي من ده .. بس يوم ما نحتاج نبقى جديين .. حتلاقيني اعقل واحده في الدنيا ديه

سبعتاشر .. انا بحب السوبيا والموكا والباميا والبوري السنجاري والمسقعه والافلام الاجنبي ومحمد منير وفيروز  واللون الازرق والاخضر .. انت بتحبهم زيي ؟

تمنتاشر .. اوعى تكون عينك زايغه ولا تبص يمين ولا تبص شمال .. كده كده مش حتلاقي احلى مني يا ابني انت بتتكلم في ايه

تسعتاشر .. بعدين بعدين

عشرين .. انت اخترتني انا .. وديه تخليني اعمل كل حاجه تخليك اسعد بني ادم في الدنيا .. والناس حتقولك انك عرفت تختار وحيسدوك عليا كمان .. يلا يا سيدي ابسط

عزيزي زوج المستقبل .. انا حاسه ان طنط دعت عليك الصراحه

ياريت ما تجيش احسن

كل سنه وانا طيبه

يااااااااااااااه

18 سنه 

شكر خاص جدا لعبير السيد اللي حرصت تكون اول واحده تكلمني واكدت الساعه 12 بالضضضضضضضبط

شكر خاص  لخلود و نجوى وسلام ومروة ومي وريم وساره

شكر خاص جدا جدا لمصطفى جمال ومحمد هشام

لمحمد الشاذلي والسبكي وهاشم وحجازي

وشكر خاص اوي اوي لميرا ونورهان وطنط توته ومياده ومينا

صوتكم كان كفايه اوي اسمعه

وشكر جامد جدا

لطنط بسمه وطنط ايناس وطنط مايسه وعمو محمد وعلي ومنال ومريم ومريم كانت سهرة حلوة اووووي

وشكر اخير لكل اللي بعتولي رسايل وكتوبلي على الفيس

وانتوا طيبيين كلكم يارب

ماما وبابا ودينا وزياد .. اليوم كان ناقصكم جدا

سيكا عيد ميلاد من غير ما تغنيلي ينفع كدددده ؟؟؟

شروق والاء واروى ووسام ... وحشتوني اوي اوي

امنيه وايه وراضيه عيد ميلاد بايخ وانتوا مش فييييييه

ميرسي للكل

وبحكم اووووووووي

واسيبكم مع الصور

وبسس

قـــــــــدرات ..!!

 

الخميس 22/4/1433هـ

استيقظ في تمام السابعة صباحا .. بدون أي محاولات خارجية لإيقاظي

يداي تتجه نحو قلبي .. أتفقد ذلك العضو المسكين .. لماذا أنت خائف يا عزيزي؟؟

أطرافي بارده .. أتنفس بصورة ملحوظة بشده ..

أتجول بعيني فيم هو غير مرئي ..

مستقبلي المجهول .. اليوم سأحاول إيضاح ملامحك

فلنعد قليلا للوراء .. متى ذكر اسم قدرات لاول مره على مسامعي ؟؟

كنت في السنه الأخيرة للمرحلة الإعدادية .. وكل من حولي مستاء .. فرض امتحان القياس على الطلبة المصريين وقضي الأمر ..

اختبار القدرات العامة أو القياس .. كان الكابوس الأكبر الذي مر علي وعلى كل قرنائي ومثلائي سننا ..

الفكرة تمثلت في اختبار غير ممنهج يعتمد على الطريقة الأمريكية لاختيار من متعدد مفروض على طلاب عرب ذوي خلايا دماغية تحتضر عقماَ نتاج نظم تعليميه معتمجه على الحشو والحشو فقط

الأمر أسوأ مما يوصف .. أصعب بأن يمر دون ترك ندبة عميقة ..

مكون من جزأين ..

قسم كمي يعتمد على كل ما يتعلق بالرياضيات والأرقام  ما مر منها علينا ومالم يمر ..

أين عقلك يا خوارزمي ؟؟ (ممكن تسلفهولي لفه ) !!!

وقسم لفظي يعتمد على العربية الفصحى ما كان مفهوما منها وما وعر وتعمق واستفحل ..

عزيزي أبو الأسود الدؤلي .. كيف أجمع علمك في فترة قياسية ؟؟؟

نعم علي جمع أكبر كم من المعلومات يتعلق بـــــكل من :

الهندسة الفراغية

حساب المثلثات

المقارنات ما صح منها وما لم يصح

تحيل الرسوم البيانية

حساب الفروق والمضاعفات بين عمر أحمد وابنه فيصل..!!

تكوين معادلات لحل كل مسألة غريبة (الشكل والمنظر )

بعض الحسابات البنكية

مقدار الزاوية بين عقربي الساعة (الحل بقانون مستنتج)

عدد المربعات والمثلثات والمستطيلات والمتكعبرات والمتفشكلات في الشكل (ايضا قوانين مستنتجه)

متــــــــتابعـــــــــــات

معادلات الجذور والأسس واللوغاريتمات (مع لفت الانتباه لمنع استخدام الاله الحاسبة )

بالاضافه إلى :

معاني كلمات اللغة الفصحى المتعمقة ..

تناظرات لفظية لا داعي للتعليق عليها ..

اكمال جمل ناقصة ..

واخيرا استعياب مقروء لمقالات متنوعة المجالات ..

الأمر ليس بسهولة قراءة الكلمات السابقة .. فقياس العام معتمد على تقسيم الاختبار لعدة اجزاء لكل منها عدد دقائق محدده للحل بمتوسط دقيقه لكل سؤال .. !!

سوء الأمر تتمثل في تجارب من هم أدوا الاختبار .. لا أحد ينجازو حاجز ال 90% لزميلات كانوا غاية في الاجتهاد والتفوق على مدار حياتهم .. ياه للتعجيز ..

أبدأ برفقة نورهان رحله الكفاح منذ كنا في الصف الثاني الثانوي بناء على طلب والدها مشكورا ..

الأمر بدا شديد التعقيد في بدايته .. ولن استطيع أبدا إحصاء كم علامات الاستفهام التي رسمت على وجوهنا بعد قراءة كل سؤال ..!!!

خصوصا بعد ما صعقنا بالحقيقة المره..

(علينا قراءة السؤال .. وفهمه جيدا .. ومعرفه ما هو مطلوب .. ثم استنتاج طريقة الحل .. والشروع في استخدامها ... والخروج بناتج موجود في الاختيارات الاربعة  .. في مده لا تتجاوز الستون ثانيه! )

وضعنا الآلات الحاسبة جانبا .. وبدأنا بما سماه والدي فيم بعد (لعب عيال )

واننا لم نفعل شيء سوى الالمام بكل ما وضع امامنا دون اتقانه وانتهت تلك السنه بدون تطبيق فعلي عملي لذلك المجهود الذي ظن أبي العزيز أني ورفيقتي لم نبذله أصلا .. (اومال كنا بنعمل ايه كل يوم خميس بس يا بابا ؟؟)

ثم شرعنا في العام الجديد .. بنفوس قلقة قليلا تجاه ذلك الامتحان ولكن لازال الوقت مبكرا .. منتصف الفصل الدراسي الثاني ..

ومر الفصل الدراسي الأول بمحاولة للقضاء على الكتب التي لم يعد لها حصر وعدد

فنتكلم عن الكتب قليلا .. في بداية الأمر ظهر كتاب باللون الأخضر أصدره مركز قياس لتوضيح ماهية الاختبار لا أكثر وبالطبع لن يقدم ولن يؤخر قدما..

وكتاب مشهور يحمل اسم (رام ) بعدد من الأجزاء .. يناقش الاختبار بقسميه .. الكمي واللفظي

ثم لا اعلم ماذا حدث بعد ذلك .. الكل أصبح مؤلف وقادر على طرح القدرات من وجة نظره القياسية ..

كتب .. كتب ..كتب

(بقينا نمشي نتكعبل في كتب )

الكل يخترع اسئله يجتاج بعضها لربع ساعة من الحل المطول أو لجزء من الثانية في حال كان الطالب عبقريا تتجاوز نسبة ذكائة الـ150درجة

كما ان تلك الكتب امتلئت بالمقالات التي كان علي في الغالب استخراج المعلومات منها وانتقاء عنوان مناسب لها .. الاغرب ان العنوان الصحيح دوما كان الاجابة الوحيده اللامنطقية على الأقل بالنسبة لي ..!!

فضلا عن كم كلمات اللغة التي لا تعد ولا تحصى ..

وينتهي الفصل الدراسي الأول أيضا .. وكأننا اصطدمنا بالواقع .. تبقى على الاختبار ست اسابيع لا أكثر .. بعد محاولات مطوله مع اداره المدرسة تمكنا من اخذ الموافقة على تاجيل امتحانات الشهر الاول ريثما ننتهي من الكابوس الأكبر .. المنهاج الدراسية منتظمة دون متابعة ودون مذاكرة .. رفعت حالة الطوارئ القصوى لدى جميع اصدقائي وزملائي .. صدر تاريخين لاختيار يوم الاختبار .. فإما في الخميس السابعة صباحا او الخميس الذي يليه في الخامسه عصرا .. وبدون مناقشة اختار والدي الخيار الثاني ظننا منه أن (الساعة بتفرق) وان (كده حنام طول الليل ومش حكون قلقانه)

في حين اخترن زميلاتي في المدرسة الموعد الأول على أساس (خلينا نخلص بقى )ثم تتراجع أروى وتعدل لتكون معي ..

كيف مر الشهر ونصف لا أعلم .. حقا لا أعلم ولكنهم كانوا الأسوأ بكل الأحوال ..

أعود ظهرا من مدرستي ظهرا لانكب على قراءة المقالات وحل الأسئلة حتى الرابعة .. ثم انتقل مباشرة لمذاكرة القسم الكمي حتى الليل ..

حتى جاء خميس أصدقائي .. انتظرهم حتى الحادية عشر لاهاتفهم ..

(هاه عملتوا ايه ) (كويس الحمد لله كان مش وحش )

اطمئن ..

اقضي أسبوعا إضافيا من العمل المرهق .. انا وأروى وعلمت فيم بعد ان شروق ونورهان ومروة في صحبتنا ..

نعود لتلك اللحظة التي استيقظت فيها في تمام السابعة صباحا ..

اليوم يمر ثقيلا بطريقة لا توصف .. لا أذكر ما كان الغداء يومها .. مؤكد كان بلا طعم او رائحة ..

في تمام الرابعة تتطوع أمي لصناعة كوب قهوة لي فيم يتكلم

والدي عن أهمية الهدوء والتركيز طوال ساعتي الاختبار ..

اتذوق القهوة ..(ماما ديه من غير سكر ) (بجد ؟ طب معلش حعملك غيرها)

تصنع الثانية .. وياليتني لم أعترض على الأولى .. يبدو ان امي صنعت القهوة التركية بطريقة صنع النسيكافية الأمريكي ..

أمي ؟؟ كانت متوترة كما كنت أنا إن لم يكن أكثر

أرتدي ثيابي ثم انطلق ..

هل علي وصف لحظات الطريق إلى المدرسة الإعدادية المقام بها الاختبار ؟؟

أين الأكسجين ..؟ لا أعلم

أـيقن باصفرار وجهي و تحول شفتاي للون الأبيض

ضربات قلبي تتسارع بطريقة لم أعهدها سابقا ..

أصل إلى المدرسة .. قليلا وتصل أروى

ثم وجدت شروق ونورة ومروة .

.

دقائق وندخل إلى قاعة الاختبار..

تمر أمامي الكثير من التفاصيل..

.

.

.

.

.

(بابا هو كل الورق اللي انت بتطبعه ده .. عارف احنا كده قطعنا كام شجرة كده انا حعمل لوحدي كارثه بيئيه)

.

.

.

.

.

(ماما خلاص مش شايفة..  عيني وجعتني جدا  حتعمي .. يخرب بيت القطع عاللي عايزين يقروها )

.

.

.

.

.

(نورهان حليتي الورق ده .. وسام ذاكرتي الكلمات دول .. سيكا ما تاخدي تسمعيلي الصف ده .. بناااااااات هو يعني ايه وكيرة ديه ؟! .. حد معاه كاتب الامين اصورة مش لاقياه .. ايه ده يا اروى جبتي المسائل ديه منين .. الاء بطلي الكلمات اللي بتقوليها ديه ..........)

.

.

.

.

.

يلا يا بنات .. مجموعه واحد من هنا مجموعه اتنين من هنا .............

وعلى ضربات قلبي ... سهير ذكي ترقص شرقا .. ومايكل جاكسون يرقص غربا ..

اتوجه في قمة تثاقلي باتجاه السيده الماثله امامي .. تتحقق من هويتي ثم تدخلني .. اجلس في الصف الاول ملاصقه للجدار

دقائق تمر ويرفع اذان المغرب.. نصعد للطابق العلوي .. نصلي ثم نعود اماكننا..

وزعت دفاتر الأسئلة واوراق الاجابة والاقلام الخاصة بقياس

وبدأنا

السؤال الأول ....

(يتبع )

كفاية بقى ..

الكلمات كثرت .. بلا معنى واضح في النهاية

ترى هل هناك شيء ابلغ من الكلام في الوصف

النظرات من عينان ضيفتان لا تعبر

وشخصية مجنونة سريعة الانفعال الضحك كثيرة كلام وربما كثيرة الاخطاء

انها انا

دواعي الاضطراب قليلة ان لم تكن معدومة

احلام اليقظة رجاء .. ومن الآن .. انتهي ارجوكي

كفي عن التلاعب بي

توقفت حواسي عن أداء أدوارها الأساسية

وارتخت تماما في سبيل انتهائك من ألاعيبك السخيفة

ترى .. ماذا تريدين ؟؟

مش كفاية بقى ...؟؟؟

!!!!!!!!!!!!!!!!

عندما تراكم الصدأ ...

أتفقدني جيدا .. أبحث عني في أعين من حولي

لم أتغير كثيرا عن الماضي

الاختلافات بسيطه لا تذكر

لا زالت لي كلماتي المميزة وتصرفاتي الحمقاء الطائشة

وطريقة حديثي وضحكي وحتى استفزازي

لا أعاتبني كثيرا

ولا الوم نفسي على تصرفاتها ما دامت لم تزعجني من نفسي

أتجول في نفسي ..

ربما كثير من قراراتي خاطئة

وحتى الآن امتلك اختيارات فاشلة

ولكنني كما انا

لا انهزام .. ولا سقوط من النظر

ولا تقلبات مزعجه

لا تزال الاوضاع هادئة .. لا يزال ديسمبر جميلا

ولن اعكره بنفسي

ولن اسمح ان يعكره احد لي

الجو بارد بروده لطيفه

والاجواء المحيطه هي الاخرى بارده ولكن دون أذى واقع

ولا نتائج سلبية قوية

قليل من قضم الأظافر

اهتزاز الارجل بصورة سريعة متوترة

ولا اكثر من ذلك ..

وها هو الصدأ ما زال يتراكم

ويضيع معالم الحقيقة الجلية

المعادن فسدت

فلتفسد .. فهي لم تعد ذات قيمة بالنسبة لي

تراكم يا صدأ ..!!

أين أشيائي ؟!

 

هناك.. كل ما تريد واقع ..

كل أحلامك وأمنياتك مجابه ..

اللحظات كلها جميلة .. كلها لا تنسى

ترسم ابتسامه عريضة عند تذكرها ..

هناك .. لا لحظات سخيفة ولا ذكريات مؤلمة ولا خيبة للأمل ..

الأمور كلها بسيطة ..لا للتعقيدات ..كل شيء واضح جليا نقيا

لا للأعراف والقوانين..

الجميع سعداء..

تخيل انه لا منغصات للحياة !!

اليوم ينتهي وقتما تريد..

وتعاقب الأيام ما هو إلا تعاقب للضحكات المتعالية ..

الضحك المرتفع هناك لا يعني الحزن كما هو الحال هنا..

أعني الضحك الحقيقي لا المجازي ..

المؤسف بشده .. أن هناك خيالي جدا..

هناك لا وجود له سوى في مخيلتي ..

انه عالم افتراضي ولن يكون حقيقيا أبدا

وهنا توجد نفس كسيرة وشعور بالفقد والضعف

واللامبالاة كانت حقا متناهية ..

فلنغلق أبواب الاحتمالات ..

لا داعي للتفكير أكثر من ذلك ..

أين الأقفال والمفاتيح؟

فلنوصد الأبواب للأبد

ولكن قبلها أعطوني أشيائي 
أين أشيائي ؟؟!!                                                

ماذا يعني لي ديسمبر ؟!

احد اشهري المفضلة ..

البرودة الدافئة .. وختام عام كامل بكل أحداثه وتفاصيله ..

بعيدا عن التعقيد والكلمات الكثيرة .. هو شهر حصاد

سينتهي عام كامل في خلال ثلاثون يوما

وفي خلال ثمانية عشر يوما ساتم عامي الثامن عشر

لا تروقني الفكرة ولكن ربما اتقبلها بعد عده ايام

بعيدا عن هذا ايضا

كيف علي ان استقبل عاما ميلاديا جديدا

وعام يحسب علي في سنوات عمري المبجلة من جانب اخر

هي ليست مبجلة الى هذا الحد .. لا عليك

المستساغ بشدة في هذه الكلمات المتخبطة المتداخله معدومة المعنى

انني في حالة جيده .. لا باس بي الان

ياتيي ديسمبر هذه السنه وانا في حالة مطمئنه ساكنه لم اشعر بها منذ فترة طويله

السكون لا يغمر البلاد ولا الاهل ولا المحيطين بي ولكن يغمرني انا وهذا يكفي

ديسمبر حالم جدا

الهادئ المزعج .. البسيط المعقد .. وحاليا هي الفارغ الممتلئ

ماذا اكتب ؟

لا اعرف ..

ولا يهم !!

هناك ثلاثون يوما من ديسمبر ساقضيهم بسعادة كامله

طولا وعرضا وارتفاعا

لاستقبل عام جديد

ساتمنى ان يكون الاجمل كعادة سنوية متفائلة

ديسمبر .. كن جميلا بتفاصيل بسيطه عابرة بهدوء

اقضيك لاول مره في ارض الوطن ..

كيف هو ديسمبر في الاسكندرية؟!

سأعلم .. وسأفكر .. وسأبتسم ..

بحثا عن راحتي وسعادتي واطمئناني

ولنترك كل السخافات جانبا

فديسمبر يكرهها !!!!