إيطار الدنيا ..

هل لي ان اقتبس من عقلي اشياء لا منطقية للحظات ،

عنفوان ما يخترق الكيان ممولاً بطاقة مجهولة المصدر لأشخاص مجهولو الهوية

تُرس يدور في نفس الاتجاه منذ أمد ولكنه سئم الروتين ..

له كامل الحق في أن يسئم .. من يمتلك القدرة على الدوران  بثبات بلا تغيير او زيادة سرعة ، او حتى اخذ قسط من الراحة .. ؟!

(قسط من الراحة ) .. الامر لا يتعلق بالرفاهية او ما يعادلها ..

انه حق مهدور ، ركن من اركان الاستمرار ..

هدنة لإعادة التفكير وفي الحسبان كل المتغيرات والأمور الطارئة ..

او بالأصح .. هدنة ما لإفساح المجال للانطلاق والجنون والخروج عن إيطار الدنيا

إيطار الدنيا قاتم ، مؤلم .. مميت

إيطار لا يتأثر بحالات الهلع التي تصيبك حينما تكتشف انك الآن مسؤول عن يوم غدك

إيطار لا يحتويك حينما تضجر و تأتيك هلاوس تشبه (ماذا إن كنت خُلقت  يمامة !)

إيطار لا يوفر ادنى اختيارات .. الامور كلها ثابته لا تتحرك

تشعر انك في حالة من الشلل الحياتي ، تشعر بالتسيير الإجباري .. تشعر بالاختناق

   تؤلمك آمالك واحلامك التي تندثر وتختبئ خلف الماكينات والتروس ...

ثم تشعر بالحزن والضجر ..  تشعر انك مضطهد ومن السهل دهسك

ثم يولد الضجر والحزن ثورة في نفسك لا تعلم من أين بدأت وكيف بدأت

تقاوم وتعارض وتصرخ ..

يتبادر الى ذهنك انك ما زلت تصرخ .. مازا ل صوتك عاليا في الارجاء ..

ولكنه في الحقيقة يتناقص ويخفت شيئا فشيئا فشيئا ،

حتى ترى نفسك مجددا .. لست سوى تُرس يشعر بالملل .. وهكذا !   

ذاك الوقت ...

الدوران في دوامة ما  من هل كان يجب ان اكون هنا الان ؟ هل كانت افضل 

الاختيارات ان اكون هنا  الان ؟ هل سيكون المكان القادم أفضل من هذا المكان ؟؟

تلك الدوامة تصيبني بدوار مبالغ فيه جدا ، منذ متى وانا اعلم ، ومنذ متى وانا اريد ان اعلم ، 

تكفيني رغبتي الشديدة في فعل اشياء فقط انتظر الوقت المناسب لفعلها ،

انتظر ذاك الوقت المجهول الذي سأبدأ فيه في تغذية عقلي بغذاء ذا قيمة عالية  تعني لي انا وحدي ،

 قد اقرأ عن كيفية صنع وجبة غريبة طعمها لاذع ، او اتعلم بعض مبادئ اللغة اليابانية ، 

او استمع الى أغنيات بلغات لا أفقه معانيها ،

انتظر ذاك الوقت المجهول الذي سأقتني فيه شيء لم يكن يوما يمثلني او يشبهني او 

يعني لي ...

قد تكون كاميرا ، على الاغلب سأفشل في إخراج صورة ناجحة ..

قد تكون آله موسيقية ، وحتما سأفشل في عزف مقطوعة يستطيع الادميون  تحمل ضجيجها

بالطبع ستعكس ضجيج روحي الداخلي ، ففي اعماقي أصوات كثيرة متداخلة مرتفعة وصاخبة ،

ولن اخطوا أي خطوات فيما يتعلق بالرسم ، خلقت بيدين لا تمتلكان القدرة على الرسم أبدا ..

انتظر ذاك الوقت المجهول الذي سأمتلك وطناً في بيتي ، وبيتــاً في قلبي ، وقلبــاً  في كل شيء أريده 

ستصل وان كنا غير مستعدين !!

ربما عانيت دوما من حاسة شم ضعيفة على إثرها لم ترفني العطور الخفيفة والناعمة واتجهت للثقيلة والعنيفة ، لم اتعرف على أي شيء من خلال رائحته في الحصص العملية في الكلية ولم استاء ابدا من معطرات الجو النفاذة لانها ببساطة لم تكن يوما نفاذة بالنسبة لي ،،  

  

 وبالرغم من ذلك أميز رائحة الشتاء بعد مطر خفيف بسهولة ،،

أميز رائحة البن البرازيلي او الكولومبي النقي فور طحنه ،،

أميز رائحة وجبات أمي اللذيذة ومن على بعد ،،

دوما الأشياء الجميلة تجد طريقا ما للوصول لنا وان كنا غير مستعدين لها

الأحلام التي آمنا بها ستتحقق وتصل إلينا وان كنا غير مستعدين لها

الكلمات المحفزة للعمل ان صدرت من قلب محب ستجد طريقا لنا وان كنا غير مستعدين

اللحظات المليئة بالصفاء والسعادة الحقيقية ستجد طريقا لذاكرتنا وان كنا غير مستعدين

الاشخاص المختلفين المميزين يستطيعون ايجاد طريقا للوصول لنا وان كنا (بحق)غير مستعدين

الأشياء النقية الصافية الصادرة من القلب ستجد طريقا وتصل إلينا وان كنا غير مستعدين!!  

صمتا ،،

في عجالة ، وبلا ادنى درجات التركيز

الكلمات تصطف جنبا الى جنب ف محاولة بائسة لمساعدتي

ولكنها في النهاية لا تكون جملا مفيدة على الاطلاق

الأسئلة كلها تكررت كثيرا ، ولكن لا يحق لك تكرار اجاباتك

اسئلة خلقت لتكون عائقا في ذهني ،

المسميات والاوصاف وقواميس اللغة تعجز احيانا

التعبير بهم اصبح بلا فائدة

ربما قدموا كل ما يستطيعون ، ولكنهم لا يستطيعون اكثر

ربما نظرتي هي المخطئة ، ربما للسؤال وجه بسيط

وجه اكثر سهولة له اجابة بسيطة وعابرة ومنطقية

من اين لنا تلك القدرات المؤرقة

كيف نستطيع تعقيد الامور الى هذا الحد ؟؟

كيف نفعلها !!

هل نتلذذ بإيذاء انفسنا

هل نجد  النشوى في الألم

هل هذا منطقي !

العجالة لن تصنع جوابا جيدا

والتأني سيثير الريبة في نفوس السائلين

صمتاً

اصمتوا وسأصمت ايضا

الكلمات لا مكان لها هما

الاصوات مهما ارتفعت ومهما خفتت

لا مكان لها

لن اجيب ، ولن تسألوني مرة اخرى

الصمت جوابي 

حلوة وتستاهل ،،

العيون دايما مليانه كلام ، بمعنى اصح مليانه مشاعر    

مشاعرنا بتبقى فعلا عايزة تتكلم بشفايف عيونا

مشاعرنا تجاه كل اللي حوالينا مهما حاولنا نداريها بتبان

مهما حاولنا نظهر من غير أي تعبيرات تجاههم كلهم ما بنعرفش

في دايما اشعاع مش بيتشاف بيوصل كل حاجه في قلب اللي بيسلم عليك

مهما كان ، حب وكره ودفا وجمود وحنان وقسوة ولهفة وخوف وامان

قلوبنا شايلة كل ده جواها ، قلوبنا بتكبر وبتفرح وبتزعل وبتطمن وبتخاف

يمكن قلوبنا بتشيل اكتر ما تقدر ، بتشيل فوق طاقتها وتتعب

يمكن احنا مش عارفين نتعامل معاها صح ،

او هي اصلا ما كانتش عامله حسابها ان حياتنا زحمة اوي كده

حياتنا فعلا ازحم من ما كل حيثياتنا تقدر تستوعب وتتعايش

بنجري ، طول الوقت بنجري وبنلف حوالين احلام وخطط وحياة عايزنها

بنقابل ناس كتير وبنتكلم ، بنتكلم كتير اوي

ومهما اتكلمنا ، الكلام ده ولا حاجه جنب اللي العيون بتقوله والقلوب شيلاه

محتاجين ننط من مكان عالي ونسايم الدنيا تجمد وترفعنا عشان ما نقعش

محتاجين نغمض عنينا شوية ونبطل نشوف كل حاجة اخدت حيز من حياتنا وهي اصلا حاجات مالهاش لازمة ابدا

محتاجين الطاقة دي  تتفرغ من غير اذى ، احنا مش بنحب نأذي حد

محتاجين اماكن واسعة اوي عيونا ما تجيبش اخرها

محتاجين أنفاس عميقة هواها يكون نقي وريحته حلوة

محتاجين نسمع احسن عشان نحس بقلبنا اكتر ، ناخد بالنا من دقاته

محتاجين نطبطب عالقلوب دي ، لأنها طيبة ومستغربة الدنيا مش شبهنا

محتاجين نحتويها ونحبها وناخد بالنا منها ونحطهم في عنينا

محتاجين ألوان عشان نضمن ان عمر ما العالم يبهت من حوالينا

عمره ما يبقى ابيض واسود والوان كئيبة

  حياتنا حلوة وتستاهل ، واحنا حلوين ونستاهل 

ولكننا سنحتفل

موسيقى تصويرية بطيئة،

قطرات ماء تتساقط ببطء شديد

وبلا إيقاع ثابت

عيناي مغمضتان،،

تهتز جفوني مع كل قطرة

هناك في مكان ما عالم أجمل من هذا

دافئ وممتلئ بمسببات الحياة

الحياة ربما لا تحتاج إلا أقلام وأوراق

وأشياء صغيرة تشعرنا بالتركيز ،

فقط تعطينا إيحاء به لا أكثر

وموسيقى أكثر سرعة ولكن بلا صخب

وسماء ، حتى ننظر دوما إلى الأعلى

ونشعر دوما بوجود القوى الخفية

ونؤمن بوجود الله ،

وندعوه كثيرا

ونتأمل أن نحظى بمعجزة ما

وننتظر حدوثها

وحينما تحدث

سنجد طرقا مختلفة للاحتفال

لم يجربها أحد من قبل

ولكننا سنحتفل

ولا تكونوا على الحياد ،

انحازوا دوما لصانعي البهجة ،

مكوني الذكريات التي لا تُنسى

اصحاب التفاصيل البسيطة

ذوي الدقائق المريحة المطمئنة

راسمي الابتسامات

انحازوا للاماكن المألوفة

صديقة الأعين

انحازوا للمذاق الآسر

والوجبات اللذيذة

انحازوا للشوارع الواسعة التي لم تسيروا فيها يوما

انحازوا للأغنيات التي لا تمثلكم ولكنها لامعة

انحازوا لأيام تستحق السرد فيما بعد

انحازوا لكم حينما كنتم صغارا

انحازوا لطفولتكم والعابكم

انحازوا للأفلام التي تستحق المشاهدة

والموسيقي التي تستحق الاستماع 

والكتب التي تستحق القراءة 

انحازوا لاقلامكم وارائكم

انحازوا لايديكم وما تصنع 

وقلبوكم ومن تختار

انحازوا لسعادتكم اينما كان وكيفما كانت

انحازوا لها ،،

                                         ولا تكونوا على الحياد 

فرغت العناوين

ولنــــــــــا عـــــــــودة ،،، 

سافر حتى لو خيال :)

السفر احتياج ، احتياج محتاجينه حتى لو مش مدركين

محتاجين المسافات البعيدة وساعات طويلة احنا فيها طلعنا من بيت بس ما وصلناش التاني

محتاجين مكان تاني ،  وفكر تاني ، وناس تانية

محتاجين احساس يا مسهل نوصل بقى

محتاجين لحظات وداع ساعات

محتاجين دموع وداع ساعات

محتاجين تعب قبل السفر وتعب بعد السفر

السفر نفس عميق هواه نضيف بيتشعب ويوصل لاخر نقطة في صدرك

السفر قلب كبير طيب دقاته بتعزف حاجات حلوة مالهاش اسم

السفر ضحكة عالية صوتها وصل كل الدنيا

السفر في خيالك متاح ، درجة اولى

في خيالك شوف دنيا تانية وناس تانية

اتفرج ، مش زي عندنا خالص

حقك الخيال على فكرة

حقك جدا ،

حضر شنطتك

اوعى تنسى حاجة . او تنسى احلامك ، طبقها صح عشان ما تتكرمش

ما تسألش مجربين ولا حاجه

استكشف انت لوحدك يمكن تلاقي حاجات احلى

اها ، في حاجات احلى وهي خيال :)

عن حكايات الجمال

الحكاية طويلة ومن زمان ..

من ساعة اخر مرة بطلنا فيها ما ناخدش بالنا من اللحظة اللي راحت وما رجعتش ،

والذكرى اللي لا حتتكرر ولا حتتنسي ..

من ساعة ما بدأنا نعي وندرك وندقق في تفاصيل بتجيب أرق

ونلاحظ ان الساعات أقصر من ما كانت 

وبتعدي أسرع مننا ومن ما احنا محتاجين ....

الحكاية بتحكي عننا لما معنى الحرية خلانا نختلف، انا مش شبهك واحنا الاتنين مش شبههم بفكر بلون مش لونك وبتعبر بطريقة انا ما فهمتهاش وغلط بالنسبالي صح وصح بالنسبالك غلط ، في آخر انت حاسس بيه واخد بالك منه ولا لاء ؟؟ محترمه وحافظ مكانه جنبك ومعاك ولا لاء ؟؟  التفرقة ما بين الدعوة وعدم التدخل ؟؟ التقبل والاعتراض على حاجات ما ينفعش تكون موجوده ؟؟ الحرية بمختلف تعبيراتها واحنا احرار نشوفها ازاي !!

منقبة وحاطة كحل ..

محجبة حجاب جميل بس كل ده مكياج .. ليه كده

عامله فيها محجبة وهي نص شعرها بره اساسا

طب هي عشان مش محجبه تقوم تلبس لبس اوفر اوي كده مفيش وسط يعني

القدرة على التعليق وتركيب الناس اخطاء واللف والدوران المهم ان في الاخر انا تمام انا كويسه والناس غلط ومش فاهمة ومش صح اللي بيعملوه ..

اسهل حاجه في الدنيا تتصيد عيوب ،وتظهر ملاك حواليك نور ابيض من فرط الاستقامه والتنوير ،

فكرت ان صحابك اللي انت عارفهم كويس مش بتعلق عليهم ، لانك عارفهم ، عرفت حياتهم كانت عامله ازاي وسط اهلهم وفي طفولتهم ، فاهم حيثيات نشأتهم ، واصلك بوضوح هم ليه بيلبسوا كده وبيتصرفوا كده وبيتكلموا كده ؟؟

طب اخدت في اعتبارك الطبع ، الحاجات اللي بنتخلق اصلا مقتنعين بيها ومتشكلة جوانا ، انت مش زي اخوك واختك ، مع انكم عشتوا نفس الحياة ومرت عليكم نفس الظروف بس كل واحد اتخلق بجزء من شخصيته متكون ومتشكل ، بطباع صعب تتغير وتتعدل ،

بتحط كل الحاجات دي في اعتبارك قبل ما تقرر تحكم على حد ،

البنت المنتقبه والمحجبة اللي حاطه مكياج واللي بشعرها بس لبسها مستفز ، كلهم اكيد عديت قدامهم وانتقدوني ، بمنتهى السهولة لقوا حاجات كتير يعيبوا فيها ،

للحظه قولت ، انا مش حتحاسب عن حد والعكس

انا مش عايشه مكان حد والعكس

انا مش حد غيري وبرضه العكس

اما تعيش بمبدأ ان كلنا بشر الغلط بالنسبالنا حق وفطرة

وتكمل بمدأ ان النوايا بتحسم كل جدل في الاخر

وتستوعب حقيقة ان كلنا حنعيش في ارض احلام ملونة لما نبطل ندي نفسنا حق الحكم على الناس اللي نعرفها قبل اللي ما نعرفهومش

مش حتبقى ملاحق على كم السلام الداخلي والامان الروحي اللي حتحس بيه

اما تمشي ما حدش منتقدك ولا انت فكرت تركز عشان تاخد بالك من حاجه تنتقدها وتحكم عليها حتلاقي عجلة كانت مصدية رجعت تدور

وعقول كانت مضلمة نورت ، وعيون كانت معمية وفتحت

الحياة مش رخيصة واحنا فعلا لازم نديها قيمة ونعملها حساب

بس من وجهة نظر اننا بنعيش مره واحده ،

حقنا نعمل حسابنا في حياة راقية

حياة من غير انوف بتدخل في صميم حياة مش حياتها

.

.

الحكايات داخله في بعضها

جزء منها راح بعيد مع اللي راحوا

وجزء جاي مع الراجعين

وجزء حابب يعيش جوانا يتكلم باسمنا

وجزء تاني قاعد معانا بيحكي عننا

واجزاء ضاعت مش لاقينها

واجزاء صغيرة مستنينها لما تكبر

وحكايات الجمال مالهاش اخر

جمال الكتابة والكلام

وجمال العيون لما تتلاقى وقت ما سمعنا الصوت

وجمال قلبي لما دق على الحكاية

وجمال قلبك لما سمعها مني

يا حكايات الجمال ،، استخبي جوا قلبي .. 

خُلقنا قوارير ... فرفقاً

خُلقنا لنمضي ونسير ولتعبث الرياح في خصلات الشعر  

خُلقنا آسرات جميلات او مقبلات على التجمل او موقنات بالجمال

خُلقنا ذوات كيد لن يتهاوى ولن يضمحل

خُلقنا مكتملي العطف والعطاء والحنان والأمومة

خُلقنا عفيفات ذوات حياء وحمرات خجل

خُلقنا دمجاً بين الصبر والضجر

خُلقنا للألم والبكاء وساعات القلق والفزع

خُلقنا فاتنات حتى بنظرات الأعين الذابلة

خُلقنا لحرب بين المشروع والممنوع

خُلقنا بضحكات تتراقص لها القلوب

خُلقنا سكينة ومأوى وملاذ حالم

خُلقنا لندعم وندفع ونصنع خطوط النهايات الباهرة

خُلقنا للغض لا للتفحص

خُلنا لنكون لا لننعدم

خُلقنا كالألوان تغير الملامح

خُلقنا احتواءً

خُلقنا دفئاً

خُلقنا قلباً

خُلقنا حياةً

خُلقنا قوارير ... فرفقاً