استباق للاحداث

سينتهي الانزعاج بالكامل

بقليل من الهدوء

بعض الدفء .. لحظات من التفكير العميق .. ثم تصفية الذهن تماما

النظر الى المسافات البعيدة فترة ليست بالقصيرة

الصمت .. ثم الصمت .. ثم الصمت

رز بلبن وسودوكو !!

حقيبة صغيرة واخرى كبيرة

أحلام صغيرة سريعة سهلة التحقق

التحليق فوق البحر الاحمر !!

ارتمي في احضان امي

واتناول من يدها وجبة لاول مرة منذ أربعة أشهر

اغمض عيناي في سريري .. أمثل النوم العميق

ياتي زياد .. يطبع قبلة على خدي

احاول اخفاء ابتسامتي .. فهو لا يزال ينخدع بالحيلة الصغيرة

التي سازال امارسها للحصول على تلك القبلة الطفولية المرحه

فهو لن يفعل ما دمت مستيقظة

ثم انام بالفعل واستيقظ على صوت التلفاز المرتفع وشجار معتاد بين دينا وزياد ونقاشات امي الهاتفية .. وحياة اسرية كاملة

وكلمات .. وافعال .. وباب يفتح ويغلق .. وكسر كامل لكل حواجز الهدوء والصمت

ثم التقي بالصحاب القدامى

ولا يسعنا الوقت لسرد كل ما حدث خلال سبعة اشهر منذ اللقاء الاخير

ومساءً .. بابا انا عايزة شاورما وبيبسي !!!

الأمر مجرد استباق للاحداث !!!

ترقص ؟؟؟ ارقص !!!

 

على صوتك باغنى لسه الاغانى ممكنه
ولسه يامه ياما ياماه فى عمرنا
على صوتك باغنى لسه الاغانى ممكنه

 

(يا عمر .. ايا ما تبقى بك من ايام واشهر وسنوات .. وان كانت حتى ساعات قليله .. الدنيا صغيرة دنيئة هي لا تستحق كل ما قد يمر بها من ساعات تعاسه وحزن وقلق وارتياب والم .. )

 

ولو فى يوم راح تنكسر لازم تقوم
واقف كما النخل باصص للسما
ولا انهزام ولا انكسار ولا خوف ولا
ولا حلم نابت فى الخلا
على صوتك باغنى لسه الاغانى ممكنه
غنوتك وسط الجموع تهز قلب الليل فرح
تداوى جرحى اللى انجرح

 

(تهز قلب الليل فرح ... وقلبي صغير بيدق دقه بعد دقه .. مستنى امر بالدقه اللي بعدها .. ومع كل دقه نفسي .. لحظه حلوة تعدي ولحظة حلوة تيجي .. ويوم جميل يتطبع في ذاكرتي احكيه لما دقات كتير تعدي ويمر شوية وقت )

 

ترقص ارقص غصب عنى ارقص
ينشبك حلمك فى حلمى
ترقص ارقص غصب عنى ارقص
ولا انهزام ولا انكسار ولاخوف ولا
ولا حلم نابت فى الخلا
على صوتك باغنى لسه الاغانى ممكنه

 

(منير !! .. حالة لوحده .. في مكان لوحده .. ما بتسمعش منير ؟؟ ما بتعرفش تسمع مزيكا  .. حترقص ولا ايه النظااااااااااااام ؟؟؟)

http://www.youtube.com/watch?v=NEJ055gSP7I

يارب..!

الهي..

وحدك تعلم

كيف انا ..كيف حالي ..كيف اكون

الســــــــكون!!

انا في حاجه ماسة للسكون 

ان اتنفس بطمأنينه

واتحرك بطمانينه

وابتسم بطمأنينه وهدوء

هدوء مبالغ فيه بعض الشيء

أن يرتخي جسدي تماما .. ان انام لثمان ساعات متواصله

ثم افتح عيناي بهدوء واستيقظ على مهل 

ثم اشعر بطعم الماء في فمي كيف استشعر الارتواء بعد ساعات نوم طويله 

ثم حمام دافئ جدا .. واحتمي بعدها اسفل الغطاء

ثم  استمع لصوت رخيم  لقارئي المفضل 

 ‏{‏يس، وَالْقُرْآنِ الْحَكِيمِ، إِنَّكَ لَمِنَ الْمُرْسَلِينَ، عَلَى صِرَاطٍ مُّسْتَقِيمٍ، تَنزِيلَ الْعَزِيزِ الرَّحِيمِ، لِتُنذِرَ قَوْمًا مَّا أُنذِرَ آبَاؤُهُمْ فَهُمْ غَافِلُونَ، لَقَدْ حَقَّ الْقَوْلُ عَلَى أَكْثَرِهِمْ فَهُمْ لا يُؤْمِنُونَ، إِنَّا جَعَلْنَا فِي أَعْنَاقِهِمْ أَغْلاَلاً فَهِيَ إِلَى الأَذْقَانِ فَهُم مُّقْمَحُونَ، وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لاَ يُبْصِرُونَ‏}‏

فكان سيلا من الماء البارد اثلج صدري

واهدا نفسي .. وآنس صمتي 

بعدها .. وقفه في الشرفه .. املئ رئتاي بالهواء ثم ازفره ببطء متناهي في صباح باكر

ثم اقول بمنتهى التامل للكلمات

(اللهم بك اصبحنا وبك امسينا وبك نحيا وبك نموت واليك النشور )

سافعل ذلك

في اول يوم امضيه كاملا في بيتي

دون ان يتلوه يوم به ما يعكر صفوي ومزاجي

وحشتني اوي :(

تعرف انك واحشني اوي

مفتقداك بطريقه بشعه بجد

نفسي اصحى الصبح الاقيك قاعد في البلكونه بتشرب القهوة

ولا اصحى متاخر حبتين الاقيك راجع من برا ومعاك الجرايد

ولا اسمع صوتك وانت بتقول يلا البسوا حاخرجكم

ولا حتى في يوم ابقى متعكننه فاختلف معاك ونشد سوا

أي حاجه وانا معاك نفسي فيها

كل حاجه ملهاش طعم من غيرك

البيت وحش اوي وانت مش فيه

والعيد كان وحش اوي من غيرك

والعيديه اللي بعتهالي ما كانش ليها طعم لاني

ما نتشتهاش من ايدك بسرعه واديتك بوسه من هنا ومن هنا

عايشه على صوتك معايا في التليفون

وعلى سؤالك عليا كل شويه

انا عارفه انك خايف عليا وانا هنا لوحدي ..

بس والله انا تمام .. تمام جدا

كنت بقلب في الصور

لقيتك الصورة ديه في فرح ميرا

جه على بالي لحظه ما خلتني ارقص سلو معاك

ولحظه ما قولتلي قبلها فستانك شيك اوي يا مرومه

رجعت ورا اكتر

يوم نتيجه القدرات .. فاكرها ؟؟

فاكر لحظه ما اتصلت بيك وقولتلك جبت 98 % يا بابا بصوت عالي اوي

وقولتلي مبروك يا حبيبتي ؟؟

وروحت بسرعه وحضنتني جامد

يومها حسيت اني اخيرا وصلت لرضاك

اخيرا قدرت اعمل حاجه تخليك فرحان ومرتاح من نحيتي

حسيت بانجاز اكبر من النتيجه وتوابعها

فاكر يوم سفرك انا كنت عامله ازاي ؟؟

ما كنتش عارفه اتخيل انا حقعد ازاي من غيرك

ودلوقتي انا فعلا ولا حاجه من غيرك

ولاول مره مش عارفه اكتب بالعربي

وانا عارفه انك ما تعرفش حاجه عن زحمه

وممكن عمرك ما تقرا الكلام ده ولا يوصلك

ولا تاخد بالك من كلامي معاك قد ايه انت واحشني

بابا .. انا بحبك اوي .. اوي اوي اوي اوي

ومش قادره استنى اجازة نص السنه علشان اجيلك واشوفكم كلكم

ومعلش سامحني مقدما

انا ناويه اعمل مشهد درام في المطار او ما اشوفك

حجري عليك بسرعه واحضنك جامد اوي

وما تقوليش بقى الناس ولا المنظر ولا كده

الناس مش عارفين انا مفتقداك قد ايه

يا حبيبي انت ..